wd wp Пошук:
    ⬜

    Амежнік вадзяны

    Амежнік вадзяны[3] (Oenanthe aquatica) — двухгадовая ядавітая расліна, від роду Амежнік (Oenanthe) сямейства Парасонавыя (Apiaceae).

    Батанічная ілюстрацыя з кнігі «Köhler’s Medizinal-Pflanzen», 1887

    Батанічнае апісанне

    Расліна вышынёй 40-150 см з ніткападобнымі каранямі і галінастым сцяблом. Сцеблы голыя, рабрыстыя ад аснавання полыя. Лісце двойчы і тройчы пёрыстанадрэзанае. Падводнае лісце рассечена на доўгія ніткападобныя долі. Кветкі дробныя, белыя, сабраны ў складаныя парасонікі. Цвіце ў чэрвені-верасні. Плады спеюць у жніўні-верасні.

    Экалогія

    Расце па балотах, берагах рэк, азёр, сажалак, на гразкіх лугах.

    Хімічны склад

    Расліна змяшчае смалападобнае рэчыва энантатаксін (блізкі па дзеянні да цыкутаксіну цыкуты ядавітай (Cicuta virosa))[4]. У насенні ўтрымліваецца да 1,5-2,5 % эфірнага алею, у складзе якога маецца атрутны тэрпен феландрэн. У пладах знаходзіцца да 20 % тлустага алею і 4 % смалістых рэчываў.

    Зноскі

    1. ↑ Ужываецца таксама назва Пакрытанасенныя.
    2. ↑ Пра ўмоўнасць аднясення апісанай у гэтым артыкуле групы раслін да класа двухдольных гл. артыкул «Двухдольныя».
    3. ↑ Киселевский А. И. Латино-русско-белорусский ботанический словарь.. — Минск: «Наука и техника», 1967. — С. 88. — 160 с. — 2 350 экз.
    4. ↑ Бесараб С.В. Растения I класса опасности. Памятка по идентификации // Хабр — habr.com, 16 июля 2021, 22:13

    Літаратура

    Спасылкі

    Тэмы гэтай старонкі (6):
    Катэгорыя·Вікіпедыя·Артыкулы з пераазначэннем значэння з Вікідадзеных
    Катэгорыя·Расліны, апісаныя ў 1798 годзе
    Катэгорыя·Ядавітыя расліны
    Катэгорыя·Парасонавыя
    Катэгорыя·Расліны паводле алфавіта
    Катэгорыя·Пустазелле