wd wp Пошук: ⬜

Алімпійская зборная Беларусі па футболе

Алімпійская зборная Беларусі па футболе — зборная, якая прадстаўляе Беларусь на Алімпійскіх гульнях. Беларусь — першая краіна СНД, зборная якой здолела трапіць на Алімпійскія гульні.

Мальта 2004

У лютым 2004 года моладзевая зборная Беларусі па футболе прымала ўдзел у міжнародным турніры на Мальце. На турніры звычайна прымалі ўдзел нацыянальныя зборныя, але Беларусь, якая рыхтавалася да ўдзелу ў моладзевым чэмпіянаце Еўропы ўлетку 2004, выставіла моладзь (ігракі 1981 года нараджэння і маладзей). За каманду, аднак, гуляла чатыры ветэраны — ігракі барысаўскага БАТЭ Дзмітрый Ліхтаровіч, Яўген Лашанкоў, Алег Страхановіч і Мікалай Рындзюк (галоўны трэнер моладзевай зборнай Юрый Пунтус адначасова ўзначальваў БАТЭ) — і ў сувязі гэтым каманда адправілася на турнір пад сцягам алімпійскай зборнай (моладзевы чэмпіянат Еўропы 2004 адначасова з’яўляўся адборачным турнірам для ўдзелу ў Алімпійскіх гульнях 2004 у Афінах). У выніку, беларуская зборная перамагла ў мальтыйскім турніры, але на моладзевым чэмпіянаце Еўропы не выйшла з групы і не трапіла на Алімпіяду.

Табліца

Месца	Каманда	Г	В	Н	П	Галы	±	А
1	Беларусь	3	2	0	1	6 − 2	+4	6
2	Эстонія	3	2	0	1	5 − 6	−1	6
3	Мальта	3	1	1	1	5 − 6	−1	4
4	Малдова	3	0	1	2	0 − 2	−2	1

Г — гульні, В — перамогі, Н — нічыі, П — паражэнні, Галы — забітыя і прапушчаныя галы, ± — розніца галоў, А — ачкі

Матчы

Дата	Супернік	Вынік	Спасылка
14.02.2004	Эстонія	0 : 1	^[1]
16.02.2004	Малдова	1 : 0	^[2]
18.02.2004	Мальта	4 : 0	^[3]

Лондан 2012

Рэгламент

Згодна з рэгламентам, на Алімпійскія гульні 2012 у Лондане (матчы футбольнага турніру, аднак, праводзяцца ў розных гарадах Вялікабрытаніі), трапляюць гаспадары — зборная Вялікабрытаніі, а таксама тры лепшыя каманды моладзевага чэмпіянату Еўропы 2011 (не лічачы Англію). Адмыслова дзеля вызначэння краіны, якая трапляе на Алімпіяду, быў праведзены матч за трэцяе месца, у якім 25 чэрвеня 2011 моладзевая зборная Беларусі перамагла равеснікаў з Чэхіі з лікам 1:0 (адзіны мяч на 88-й хвіліне забіў Ягор Філіпенка) і трапіла на Алімпійскія гульні.

На моладзевым чэмпіянаце Еўропы 2011 мелі права гуляць футбалісты 1988 года нараджэння і маладзей. На Алімпійскіх гульнях мелі права гуляць ігракі 1989 года і маладзей, а таксама тры вопытных футбаліста без абмежавання ўзросту. Такім чынам, удзел футбалістаў моладзевай зборнай 1988 года нараджэння (сярод іх Станіслаў Драгун, Міхаіл Сівакоў, Ягор Філіпенка, Сяргей Мацвейчык, Мікіта Букаткін, Юрый Астравух, Павел Няхайчык, Дзмітрый Рэкіш, Яўген Савасцьянаў, Дзмітрый Гушчанка, Алег Вераціла) непасрэдна ў Алімпійскіх гульнях быў вельмі спрэчным.

Трэнер

Трэнерам алімпійскай зборнай быў прызначаны Георгій Кандрацьеў, які да гэтага ўзначальваў моладзевую зборную. У снежні 2011 ён быў прызначаны адначасова галоўным трэнерам нацыянальнай зборнай.

Склад

Адразу пасля перамогі над чэхамі Кандрацьеў заявіў, што аснову алімпійскай зборнай будуць утвараць ігракі, якія дамагліся поспеху ў Даніі. Насамрэч, першых матчах у склад зборнай з старэйшых пападалі толькі ігракі 1988 года нараджэння (Букаткін, Вераціла і іншыя — якія здабывалі перамогу ў Даніі), толькі вопытны Аляксандр Бычанок згуляў у адным матчы. У сакавіку 2012 быў прадстаўлены пашыраны спіс з 43 футбалістаў, якія могуць прыняць удзел у Алімпіядзе (сярод іх былі вопытныя футбалісты — Аляксандр Глеб, Сяргей Кісляк, Антон Пуціла, Віталь Радзівонаў, Сяргей Карніленка, Рэнан Брэсан — якія не здабывалі алімпійскую пуцёўку).

З 23 мая па 1 чэрвеня 2012 праходзіў турнір у французскім Тулоне, у якім прымалі ўдзел моладзевыя зборныя, у тым ліку і алімпійскія. Беларусь выступіла няўдала — набрала толькі адно ачко і не выйшла з групы.

9 ліпеня быў абвешчаны канчатковы склад зборнай на алімпіядзе[4]. Кандрацьеў намагаўся браць у зборную ігракоў, якія маюць практыку ў сваіх клубах[5], таму не Алімпіяду не здолелі трапіць Сівакоў і Няхайчык. З вопытных ігракоў на Алімпіяде апынуліся Драгун (які стаў капітанам), Карніленка і Брэсан. Сярод іх, запрашэнне натуралізаванага бразільца мела нямала праціўнікаў[6]. Вераціла трапіў у лік рэзервных ігракоў.

11 ліпеня зборная накіравалася ў Англію для апошняй падрыхтоўкі і серыі кантрольных матчаў.

Інфармацыя пра зборную

Матчы

Нумар	Дата	Горад	Стадыён	Супернік	Вынік	Спасылка
1	05.09.2011	Бранск	Дынама	Другая зборная Расіі	0 : 0	(недаступная спасылка)
2	10.10.2011	Мінск	Трактар	Другая зборная Расіі	2 : 3	Архівавана 21 красавіка 2012.
3	12.11.2011	Эр-Рыяд	«Prince Faisal Bin Fahad Stadium»	Саудаўская Аравія (моладзевая)	0 : 0	(недаступная спасылка)
4	15.11.2011	Аль-Айн	«Khalifa Stadium»	ААЭ (алімпійская)	2 : 4	(недаступная спасылка)
5	01.03.2012	Анталья	Атацюрк	Урал (Д2)	2 : 2	(недаступная спасылка)
6	24.05.2012	Абань	Стад дэ Латр	Францыя (моладзевая)	1 : 3	Архівавана 2 студзеня 2013.
7	26.05.2012	Ніца	Стад ду Рэй	Марока (алімпійская)	0 : 0	Архівавана 30 снежня 2012.
8	28.05.2012	Ле-Лаванду	ле Гран Стад	Мексіка (алімпійская)	1 : 2	(недаступная спасылка)
9	14.07.2012	Калчэстэр		Сент-Олбанс Сіці (Д7)	3 : 1
10	18.07.2012	Нотынгем		Японія (алімпійская)	0 : 1	Архівавана 30 снежня 2012.
11	22.07.2012	Бэдварт	The Oval	Альянс аматараў футбола (Лондан)	10 : 1	Архівавана 25 сакавіка 2016.
12	26.07.2012	Ковентры	Рыка-Арэна	Новая Зеландыя	1 : 0
13	29.07.2012	Манчэстэр	Олд Трафард	Бразілія	1 : 3
14	01.08.2012	Глазга	Хэмпдэн Парк	Егіпет	1 : 3

Ігракі

Нумар прастаўлены толькі ў ігракоў, якія трапілі на Алімпіяду (з 1 па 18 — асноўны склад, з 19 па 22 — рэзерв). Колерам пазначаны футбалісты 1988 года нараджэння і старэйшыя.

Нумар	Імя	Дата нараджэння	Клуб	1	2	3	4	5	6	7	8	9	10	11	12	13	14
Брамнікі
1	Аляксандр Гутар	19 снежня 1989	БАТЭ	46'	46'	82'	Запас	Увесь	Увесь	Увесь	Увесь	75'	Увесь	70'	Увесь	Увесь	Увесь
18	Андрэй Шчарбакоў	31 студзеня 1991	БАТЭ									75'	Запас	70'	Запас	Запас	Запас
22	Піліп Вайцяховіч	26 сакавіка 1990	Фрэй						Запас	Запас	Запас	Запас		Запас
	Арцём Гамялько	8 снежня 1989	Тарпеда-БелАЗ	46'	46'	82'	Увесь	Запас
Абаронцы
3	Ігар Кузьмянок	6 ліпеня 1990	Гомель					46'	Увесь	Запас	72'	46'	Увесь	46'	Увесь	Увесь	Увесь
4	Сяргей Паліцевіч	9 красавіка 1990	Дынама		46'			Увесь	41'	46'	Увесь	46'	Увесь	46'	Увесь	Увесь	Увесь
6	Аляксей Гаўрыловіч	5 студзеня 1990	Дынама Нафтан	59'	73'	59'	46'		Запас	Увесь	Запас	46'	81'	46'	Запас	80'	Запас
7	Максім Вітус	11 лютага 1989	Партызан Нёман	59'	73'	59'	Увесь	67'				Увесь	Увесь	46'
12	Аляксей Казлоў	11 ліпеня 1989	Тарпеда-БелАЗ		46'	61'	24' 60'	46'				46' 67'	81'	46'	Увесь	80'	69'
17	Дзяніс Палякоў	17 красавіка 1991	Шахцёр БАТЭ					72'	Увесь	Запас	Увесь	46'		46'	Увесь	Увесь	Увесь
20	Алег Вераціла	10 ліпеня 1988	Дынама	Увесь	Увесь	Увесь		67'	Увесь	64'	Увесь	46'		46'
21	Віталь Гайдучык	12 ліпеня 1989	Брэст	Увесь		Увесь	46'	72'	Запас	46'	Запас	46'		46'
	Юрый Рыжко	10 кастрычніка 1989	Тарпеда-БелАЗ	Увесь	Увесь	Увесь	67'
	Сяргей Мацвейчык	5 чэрвеня 1988	Гомель		46'	75'	46'
	Яўген Савасцьянаў	30 студзеня 1988	Нёман	73'
	Дзмітрый Шматко	26 ліпеня 1989	Партызан	73'
Паўабаронцы
2	Станіслаў Драгун	4 ліпеня 1988	Дынама		46'			46'	Увесь 49' (pen)	59'	51'	46'	81'	17' 46'	Увесь	Увесь	Увесь
5	Дзмітрый Бага	4 студзеня 1990	БАТЭ			75'		Увесь 50'	Увесь	46'	68'	46'	Увесь	46'	Увесь 45'	Увесь	Увесь
10	Рэнан Брэсан	3 лістапада 1988	БАТЭ									46'	76'	3' 46'	81'	Увесь 8'	75'
13	Ілья Алексіевіч	10 лютага 1991	Гомель			46'		46'	41'	59'	Запас		62'	46' 84'	54'	70'	Увесь
15	Арцём Салавей	1 лістапада 1990	Тарпеда-БелАЗ	46'	46'			67'	Увесь	Запас	64'	46'	62'	7' 46'	54'	Запас	60'
16	Міхаіл Гардзяйчук	23 кастрычніка 1989	БАТЭ Белшына	57'	27'	61'	Увесь	67'	41'	Увесь	Запас	46'	Увесь	46'	Увесь	Увесь	60'
	Аляксандр Перапечка	7 красавіка 1989	Дынама Белшына	46'	73'	59'	Увесь	46'	Запас	Увесь	64'
	Міхаіл Сівакоў	16 студзеня 1988	Зюлтэ-Варэгем			61'	Увесь	58' 72'	63'	46'	Увесь 44'
	Павел Няхайчык	17 мая 1988	Дынама		61' 73'		Увесь
	Мікіта Букаткін	7 сакавіка 1988	Нафтан	Увесь	Увесь	61'	46'
	Аляксандр Талканіца	9 мая 1989	Партызан	57'		59'	60'
	Сяргей Русецкі	8 сакавіка 1989	Банік		27'
	Аляксандр Бычанок	30 мая 1985	Дынама	Увесь
Нападнікі
8	Сяргей Карніленка	14 чэрвеня 1983	Крылы Саветаў									Увесь	62'	Увесь 26' (pen) 39'	90+1'	78'	Увесь
9	Уладзімір Хвашчынскі	10 мая 1990	Брэст		65' 86'	75'	67'	72'	Запас	Увесь	68'	46'	76'	46'	Запас	Запас	Запас
11	Андрэй Варанкоў	9 лютага 1989	Нёман						54'	Увесь	41'	46' 53' 58' (pen)	62'	46'	81'	70'	69' 87'
14	Ягор Зубовіч	6 студзеня 1989	Белшына Нафтан	63'	46'	46'	Увесь 36'	46'				46'	81'	46' 60' 76'	90+1'	78'	Запас
19	Максім Скавыш	13 лістапада 1989	БАТЭ Белшына		65'	75'		46'	54'	Запас	41'	46'		46' 56' 80'	Запас	Запас	75'
	Віталь Кібук	7 студзеня 1989	Дынама					46'	41'	Увесь	41'
	Уладзімір Юрчанка	26 студзеня 1989	Тарпеда-БелАЗ						63'	64'	41'
	Мікалай Зянько	11 сакавіка 1989	Мінск	63'

Цікавыя факты

Няма ніводнага іграка, які згуляў бы ва ўсіх матчах алімпійскай зборнай.
Ягор Філіпенка, які вывеў Беларусь на Алімпіяду, так ні разу і не згуляў за Алімпійскую зборную.

Зноскі