Аляксандр Яфімавіч Ляўсенка (3 снежня 1935, Нальчык, Кабардзіна-Балкарыя, Расія — 2007) — беларускі спецыяліст у галіне інфарматыкі і вылічальнай тэхнікі. Доктар тэхнічных навук (1988), прафесар (1988).
Скончыў Таганрогскі радыётэхнічны інстытут (1963; аспірантура, 1969).
Працаваў на Азоўскім заводзе п/я № 1 (г. Азоў, Растоўская вобласць; 1963—1966), Беларускім дзяржаўным універсітэце інфарматыкі і радыёэлектронікі (з 1971, прафесар кафедры праграмнага забеспячэння інфармацыйных тэхналогій, у 1985—1995 — загадчык кафедры, 1980—1982 — дэкан факультэта вылічальнай тэхнікі).
Навуковыя інтарэсы: метады і сродкі тэхнічнай дыягностыкі аб’ектаў складанай структуры; аўтаматызаваныя сістэмы кантролю і кіравання выпрабаваннямі.