У Вікіпедыі ёсць артыкулы пра іншых асоб з прозвішчам Шукевіч. Аляксандр Шукевіч (польск.: Aleksander Szukiewicz; 29 верасня 1715, Беларусь — 19 красавіка 1771, Мінск) — святар, педагог.
Уступіў у Таварыства Ісуса 17 жніўня 1732 г. у Вільні. Прафесар філасофіі і этыкі ў Полацкім езуіцкім калегіуме (1749—1752). Пракуратар па спрэчных справах Літоўскай правінцыі Таварыства Ісуса (1753—1757). Прафесар кананічнага права ў Віленскай акадэміі (1757—1758). Узначальваў калегіумы ў Полацку (1760—1766)[1] (Л. Гжэбень таксама падае звесткі пра тое, што ў 1763—1766 гг. А. Шукевіч быў рэктарам у Пінску[2]), Варшаве (1766—1769) і Мінску (1770—1771)[3].