У Вікіпедыі ёсць артыкулы пра іншых асоб з прозвішчам Шчарбакоў. Аляксандр Сяргеевіч Шчарбакоў (10 кастрычніка (27 верасня) 1901, г. Руза, Маскоўская вобласць — 10 мая 1945, Масква) — савецкі дзяржаўны і партыйны дзеяч.
Удзельнік Кастрычніцкай рэвалюцыі і грамадзянскай вайны, з 1924 года на партыйнай рабоце. У 1938—1945 гадах — першы сакратар Маскоўскага гарадскога і абласнога камітэтаў ВКП(б), сакратар ЦК ВКП(б), начальнік Галоўнага палітычнага упраўлення Чырвонай Арміі. Адзін з арганізатараў і удзельнікаў абароны Масквы (1941). З 1942 года — намеснік наркома абароны СССР, начальнік Саўінфармбюро.
Памёр у ноч з 9 на 10 мая 1945 года ад шырокага інфаркту. Пасля крэмацыі урна з прахам змешчана ў Крамлёўскай сцяне ў Маскве.
З 1948 года у Мінску вуліца і завулак носяць імя А. Шчарбакова (Партызанскі і Ленінскі раёны).