Аляксандр Пятровіч Бурлуцкі (8 снежня 1929, ст. Талавая, Варонежская вобласць, Расія — 2021) — урач-неўролаг, нейрахірург. Доктар медыцынскіх навук (1969), прафесар.
Скончыў Варонежскі медыцынскі інстытут (педыятрычны факультэт, 1953), Маскоўскі інстытут нейрахірургіі (аспірантура).
Працаваў у Маскоўскім інстытуце нейрахірургіі (1953—1959, урач-ардынатар), Кіеўскім навукова-даследчым інстытуце нейрахірургіі (1959—1970, старшы навуковы супрацоўнік), Арэнбургскім медыцынскім інстытуце (1971—1972, загадчык кафедры нервовых хвароб), Віцебскім дзяржаўным медыцынскім інстытуце (1972—1990, загадчык кафедры неўралогіі і нейрахірургіі), Варонежскім дзяржаўным медыцынскім універсітэце імя М. Н. Бурдэнкі (1990—2009, у 1990—2003 — загадчык кафедры неўралогіі).
Навуковыя інтарэсы: сасудзістая паталогія галаўнога мозгу; нейраанкалогія.