У Вікіпедыі ёсць артыкулы пра іншых асоб з прозвішчам Валчанкоў. Аляксандр Анатольевіч Валчанкоў (2 верасня 1957, пас. Выганічы, Выганіцкі раён, Бранская вобласць, РСФСР) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V склікання.
Нарадзіўся 2 верасня 1957 года ў пас. Выганічы Выганіцкага раёна Бранскай вобласці (РСФСР).
Скончыў Беларускі політэхнічны інстытут, інжынер — выкладчык машынабудаўнічых дысцыплін; Акадэмію кіравання пры Прэзідэнце Рэспублікі Беларусь, менеджар-эканаміст.
Працаваў выкладчыкам агульнатэхнічных дысцыплін, сакратаром камітэта камсамола Мінскага машынабудаўнічага тэхнікума; інспектарам, вядучым інспектарам упраўлення сярэдняй спецыяльнай адукацыі Міністэрства адукацыі і навукі Рэспублікі Беларусь; дырэктарам установы адукацыі «Мінскі дзяржаўны машынабудаўнічы каледж».
У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання.
Жанаты, мае сына і дачку.