wd wp Пошук: ⬜

Алэшкіўскія пяскі

Алэшкіўскія пяскі (укр.: Олешківські піски) — другі па велічыні пясчаны масіў (арэна) у Еўропе, размешчаны ў 30 км на ўсход ад горада Херсон у Алэшкіўскім раёне, ля ўзбярэжжа Чорнага мора. Уласна дняпроўскія пяскі займаюць плошчу 161200 гектараў, а з міжарэннымі землямі — 210 000 гектараў. Назва паходзіць ад назвы горада Алэшкы (укр.: Олешки). Складзеныя з бязмежных барханаў («гурбаў»), вышынёй каля 5 м, старажытных пясчаных алювіяльных адкладаў Дняпра. У складзе пяскоў 7 арэн: Кахоўская, Казачалагерная, Цюрупынская, Вынаградаўская, Чулакыўская, Іваніўская, Кінбурнская. Самая вялікая з іх у дыяметры мае памер каля 15 км.

На тэрыторыі Алэшкіўскіх пяскоў арганізавана прыродаахоўная зона — Нацыянальны прыродны парк «Алэшкіўскія пяскі».

Тэмы гэтай старонкі (4):
Катэгорыя·Пустыні
Катэгорыя·Выдмы
Катэгорыя·Рэльеф Украіны
Катэгорыя·Геаграфія Херсонскай вобласці