wd wp Пошук: ⬜

Алея шахідаў

Алея шахідаў (азерб.: Şəhidlər Xiyabanı; да 1990 г. — Парк Кірава / Нагорны парк, азерб.: Киров Паркы / Дағлыг Парк) — брацкая магіла ў Баку, дзе пахаваныя «шахіды» — у асноўным ахвяры «Чорнага студзеня» (126 чалавек) і азербайджанцы, якія загінулі ў Карабахскай вайне. На Алеі існуе таксама безназоўная магіла, у якой пахаваныя неапазнаныя целы забітых.

Гісторыя

На месцы Алеі Шахідаў раней размяшчаліся мусульманскія могілкі, дзе былі пахаваныя целы ахвяр сакавіцкіх падзей 1918 года ў Баку. Пасля ўсталявання савецкай улады ў 1920 годзе могілкі былі знішчаны, пахаваныя целы вывезены, а на гэтым месцы быў разбіты парк імя Сяргея Кірава [1].

Падзеі 1990 года

У студзені 1990 года ў Нагорны парк былі перанесены з плошчы «Азадлыг» (азерб.: Azadlıq meydanı — «плошча свабоды», былая «плошча Леніна») целы людзей, якія загінулі ў ходзе трагічных падзей у ноч з 19 на 20 студзеня 1990 года. 20-21 студзеня на алеі былі выкапаны больш за 120 магіл. Пахаванне працягваліся некалькі гадзін. 22 студзеня былі пахаваныя яшчэ 50 чалавек. Трое з іх былі ахвярамі сакавіцкай разні 1918 года, целы якіх былі выяўленыя ў парку пры капанні магіл. На ўсіх трох магілах напісана «Шахіда 1918 года». На магілах і месцах смерцяў былі расстаўленыя кветкі, у асноўным чырвоныя гваздзікі, што ператварыліся ў Азербайджане ў жалобныя кветкі.

Памяць

17 студзеня 2000 года прэзідэнт Азербайджанскай Рэспублікі Гейдар Аліеў выдаў указ «Аб прысваенні ганаровага звання „Шахід 20 студзеня“», у якім прыведзены поўны спіс загінулых і зніклых без вестак.

Алея шахідаў — адно з месцаў у Баку, якія, як правіла, наведваюць ганаровыя госці.

Гл. таксама

Чорны студзень

Зноскі

↑ Майкл Сміт. Памяць аб страце і азербайджанскае таварыства (руск.)

Спасылкі

20 студзеня — Дзень усенароднага смутку Архівавана 19 кастрычніка 2009. (руск.)
Баку ў 1990-м(недаступная спасылка) (руск.)
Студзеньская трагедыя Архівавана 19 лютага 2014. (руск.)
Ахвяры трагедыі Архівавана 2 ліпеня 2010. (руск.)