У Вікіпедыі ёсць артыкулы пра іншых асоб з прозвішчам Стаховіч. Алег Аляксандравіч Стаховіч (н. 21 студзеня 1934, в. Горкі-Абчак, Мінскі раён) — беларускі архітэктар. Лаўрэат Дзяржаўнай прэміі БССР (1970).
Сын пісьменніка Алеся Стаховіча. Скончыў у 1959 годзе БПІ. Да 1990 года працаваў у Мастацкім фондзе БССР пры Беларускім саюзе мастакоў. Кіраўнік уласнай творчай майстэрні.
Асноўныя работы (у аўтарскім калектыве): Курган Славы Савецкай Арміі — вызваліцельніцы Беларусі (Дзяржаўная прэмія БССР 1970), галоўны ўваход у выглядзе зоркі ў мемарыяльны комплексе Брэсцкая крэпасць-герой. Аўтар архітэктурна-скульптурнай кампазіцыі «Гадзіннік» на тэрыторыі заводада «Палімір» у г. Наваполацк Віцебскай вобласці, інтэр’ераў заводскага Палаца культуры (1980-я г.).