Акадэмія Обу
Акадэмія О́бу[1] (фінск.: Åbo Akademi) — фінская дзяржаўная вышэйшая навучальная ўстанова са статусам універсітэта з сядзібай у горадзе Турку.
Агульная характарыстыка
Гэта адзіны ў Фінляндыі (а таксама дзе-небудзь па-за межамі Швецыі) шматфакультэтскі ўніверсітэт з выключна шведскай мовай навучання. Ён размешчаны ў асноўным у Турку (Обу - шведская назва горада). Акадэмю не варта блытаць з Каралеўскай акадэміяй Обу, якая была заснавана ў 1640 годзе, але пераехала ў Хельсінкі пасля пажару ў Турку ў 1827 годзе і сёння вядомая як Хельсінкскі ўніверсітэт.
Вучэльня была заснавана на прыватныя ахвяраванні ў 1918 годзе як трэці ўніверсітэт у Фінляндыі, каб дазволіць Турку зноў стаць універсітэцкім горадам, і таму, што лічылася, што шведская мова знаходзіцца пад пагрозай у Хельсінкскім універсітэце. Фінскі ўніверсітэт Турку быў заснаваны ў 1920 годзе таксама на прыватныя ахвяраванні і па падобных прычынах. Акадэмія Обу была прыватнай установай да 1981 года, калі яна была ператворана ў дзяржаўную ўстанову вышэйшай адукацыі.
Акадэмія Обу, як адзіны ўніверсітэт з шведскай мовай у свеце па-за межамі Швецыі і, такім чынам, адзіны ў Фінляндыі, адказвае за вышэйшую адукацыю для значнай часткі шведскамоўнага насельніцтва краіны. Гэтая роля мае шмат наступстваў для адукацыі і даследаванняў, а таксама для сацыяльнага асяроддзя. Паколькі па большасці прадметаў мала студэнтаў, супрацоўніцтва паміж факультэтамі і з іншымі ўніверсітэтамі вельмі важнае.
Меншасць студэнтаў з’яўляюцца носьбітамі фінскай мовы, якія здалі экзамен па шведскай мове для паступлення ва ўніверсітэт. У той час як сам Турку з’яўляецца двухмоўным горадам, універсітэт фармуе моцнае шведскае асяроддзе. Большасць студэнтаў, незалежна ад іх роднай мовы, будуць функцыянальна білінгвамі пасля заканчэння навучання.
Зноскі
Спасылкі
На Вікісховішчы ёсць медыяфайлы па тэме Акадэмія Обу- Афіцыйная інтэрнэт-старонка ўстановы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Навучальныя ўстановы, заснаваныя ў 1918 годзе
Катэгорыя·Універсітэты Фінляндыі
Катэгорыя·Турку
Катэгорыя·Універсітэты паводле алфавіта