wd wp Пошук: ⬜

Айшварыя Рай

Айшварыя Рай Бачан (Шаблон:Lang-tcy [əjɕʋərjaː rəj], хіндзі: ऐश्वर्या राय, англ.: Aishwarya Rai Bachchan; 1 лістапада 1973, Мангалор, Карнатака, Індыя) — індыйская актрыса і фотамадэль. Пераможца конкурсу «Міс свету» 1994 года.

Біяграфія

Нарадзілася ў сям’і афіцэра гандлёвага флоту Крышнарая Рая і пісьменніцы Врынды Рай, ёсць старэйшы брат. Родная мова Айшварыі тулу, таксама валодае англійскай, хіндзі, маратхі і тамільскай мовамі. У дзяцінстве вучылася класічнай музыцы і танцам. У раннім узросце з сям’ёй пераехала ў Бамбей, дзе наведвала Arya Vidya Mandir high school ў прыгарадзе Сантакруз. Пасля заканчэння каледжа Ruparel College (да яго год правучылася ў Jai Hind College) паступіла ва ўніверсітэт, дзе пачала вывучаць архітэктуру, але затым стала мадэллю. У 1994 годзе перамагла на конкурсе «Міс Свету». Пасля ўдзельнічала ў рэкламнай кампаніі Pepsi, здымалася для часопіса Vogue Magazine.

На працягу некалькіх гадоў сустракалася з Салманам Ханам. Пасля яны рассталіся. Праз некаторы час сустракалася з акцёрам Вівекам Абероям. 14 студзеня 2007 абвясціла аб заручынах з акцёрам Абішэкам Бачанам, сынам Амітабха Бачана, і 20 красавіка таго ж года выйшла за яго замуж. 16 лістапада 2011 Айшварыя Рай у адной з клінік Мумбаі нарадзіла дачку. Пра гэта напісаў у сябе ў «Твітэры» Амітабх Бачан.

Зноскі

↑ Нямецкая нацыянальная бібліятэка, Берлінская дзяржаўная бібліятэка, Баварская дзяржаўная бібліятэка і інш. Record #138987033 // Агульны нарматыўны кантроль — 2012—2016. Праверана 9 красавіка 2014.
↑ The International Who’s Who of Women 2006 — Routledge, 2005. — ISBN 978-1-85743-325-8

Спасылкі

На Вікісховішчы ёсць медыяфайлы па тэме Айшварыя Рай Бачан
Айшварыя Рай Бачан на сайце «Internet Movie Database» (англ.)
Айшварыя Рай Бачан на WN
Біяграфія Айшварыі Рай
Айшварыя Рай — індыянка, якая заваявала Галівуд
Айшварыя Рай — як стаць суперзоркай
aishwarya-spice.com/