У Вікіпедыі ёсць артыкулы пра іншых асоб з прозвішчам Караткевіч. Яўген Аляксандравіч Караткевіч (нар. 26 чэрвеня 1948, Мінск) — беларускі вучоны ў галіне нейрахірургіі і анкалогіі. Доктар медыцынскіх навук (1987), прафесар (1993).
Скончыў Мінскі медыцынскі інстытут у 1972 годзе. З 1975 года ў Беларускім НДІ неўралогіі, нейрахірургіі і фізіятэрапіі, з 1988 года ў Беларускім НДІ анкалогіі і медыцынскай радыялогіі (з 1990 года — дырэктар). Навуковыя працы па мікрахірургіі чэрапна-мазгавых і перыферыйных нерваў, лячэнні пухлін ЦНС, эпідэміялогіі, злаякасных новаўтварэнняў, рэабілітацыі анкалагічных хворых.