Ян Лівэй (кит. 杨利伟, піньінь Yáng Lìwěi; нар. 21 чэрвеня 1965) — касманаўт, першы касманаўт (тайканаўт) КНР.
Ян Лівэй нарадзіўся ў павеце Суйчжун гарадской акругі Хулудаа правінцыі Ляанін.
Маці Ян Лівэя — настаўніца, бацька — бухгалтар у калгасе. Ян Лівэй жанаты. Яго жонка Чжан Юймэй — афіцэр Народна-вызваленчай арміі Кітая. Яны маюць сына (8 гадоў).
Хоць Ян Лівэй стаў першым касманаўтам КНР, ён не з’яўляецца першым этнічным кітайцам у космасе. Да яго, у 1985 годзе, падчас місіі STS-51B, у космасе пабываў амерыканец кітайскага паходжання (нарадзіўся ў Шанхаі) Тэйлар Ван[en]. Яшчэ раней, у 1968 годзе, у космасе пабываў выхадзец Ганконга амерыканскі астранаўт Уільям Андэрс, які здзейсніў палёт на «Апалоне-8», а ў 1985—1996 гадах 5 касмічных палётаў здзейсніла Шэнан Лусід, якая нарадзілася ў Шанхаі.
Імем Ян Лівэя быў названы астэроід — 21064 Янлівэй.