У Вікіпедыі ёсць артыкулы пра іншых асоб з прозвішчам Андэрс.
Уільям Элісан Андэрс (англ.: William Alison Anders; нар. 17 кастрычніка 1933, Ганконг) — амерыканскі ваенны лётчык, астранаўт, дзяржаўны дзеяч. 21—27 снежня 1968 здзейсніў палёт у космас у складзе экіпажа касмічнага карабля «Апалон-8», першы ў гісторыі пілатуемы палёт да Месяца. Пасля знаходзіўся на дзяржаўнай службе, быў паслом ЗША ў Нарвегіі, займаў кіруючыя пасады ў буйных карпарацыях. Агульны налёт на розных тыпах лятальных апаратаў больш за 6000 гадзін. Працягвае актыўна лётаць на невялікіх шрубавых самалётах. Генерал-маёр у адстаўцы.