Якуб Угоскі (Угоўскі) (польск.: Jakub Ugoski, каля 1604, Мазовія – 23 ліпеня 1676, Вільня) – дзеяч каталіцкага касцёла і Ордэна езуітаў, педагог.
Уступіў у Таварыства Ісуса 29 жніўня 1624 г. у Вільні. Суперыёр рэзідэнцыі ў Нясвіжы (1641–1644), пракуратар Літоўскай правінцыі Таварыства Ісуса (1644–1646). У 1647–1649 гг. – рэктар Полацкага, а ў 1659–1664 гг. – Пултускага езуіцкіх калегіумаў. З 1652 па 1655 гг. і з 1665 па 1668 гг. – правінцыял Літоўскай правінцыі Таварыства Ісуса. Прэпозіт (кіраўнік) Дома прафесаў у Вільні (1668–1674).[1]