У Вікіпедыі ёсць артыкулы пра іншых асоб з прозвішчам Валадковіч. Якуб Валадковіч (Валадкевіч) (польск.: Jakub Wołodkowicz (Wołodkiewicz); 28 ліпеня 1668, Менскі павет — 15 студзеня 1724, Менск) — святар, педагог.
Паходзіў з роду Валадковічаў, сын менскага падстаросты Марціна Казіміра Валадковіча.
Уступіў у Таварыства Ісуса 22 жніўня 1687 г. у Вільні. Прэфект школ і місіянер у Слуцку (1701—1702), прафесар філасофіі (1705—1707) і прэфект школ (1796—1708) у Нясвіжы. Прафесар маральнай тэалогіі (1708—1709) і філасофіі (1709—1712) у Віленскай акадэміі. Прэфект школ (1712—1713) і рэктар (1713—1717) Полацкага езуіцкага калегіума. З 1717 па 1724 гг. — рэктар Менскага езуіцкага калегіума[1].