Юханна Сундберг (шведск.: Johanna Gustafva Sundberg, у дзявоцтве Гілберг (шведск.: Gillberg) 20 студзеня 1828, парафія Катарына, Стакгольм[1] — 18 лютага 1910,[2] Стакгольм) — шведская балерына і балетны педагог. Адна з вядучых шведскіх балерын Каралеўскага шведскага балета ў сярэдзіне XIX стагоддзя.
Ва ўзросце васьмі гадоў Юханна стала вучаніцай Сафі Дагін і Пэра Эрыка Вальквіста(англ.) бел. ў Каралеўскім балеце ў Каралеўскай оперы. Дэбытава ў 1838 годзе ў оперы «Арміда(англ.) бел.». Яна выступала ва ўсіх вучнёўскіх балетах таго часу, такіх як «Les marchandes de modes», «Марная засцярога(руск.) бел.» і іншых. важным дасягненнем Юханны стала фанданга ў «Карнавальнай ночы» Андэрса Селіндэра(англ.) бел..
У 1847 годзе вучылася ў Аўгуста Бурнанвіля ў Капенгагене. Юханна была адной з любімых балерын Аўгуста Бурнанвіля, і ён часта запрашаў яе падчас сваіх гасцявых выступленняў у Швецыі.[3]
Сярод яе роляў былі: роля ігуменні ў «Роберт-д’ябал (опера)(руск.) бел.», Улы Вінбладс у «Бэлмане» Бурнанвіля; «Кірмаш у Бруге», «Вечарына ў Альбана» і «Мядовы месяц у Хардангеры» ў Бурнанвіля. Асабліва яе хвалілі за «Смак ордэна амаранта», а таксама за сольныя танцы і ўдзел у па-дэ-дэ ў «Vierländarne», «La Zinguarilla», «The Girls of Xeres». Юханна выйшла на пенсію ў 1866 годзе, але пасля гэтага часам актыўна выступала ў якасці інструктара.
6 мая 1851 года Юханна выйшла замуж за акцёра Карла Густава Сундберга, ад якога нарадзіла дзяцей Ёгану Караліну Сундберг і Якаба Густава Харальда Сундберга.[1]