У Вікіпедыі ёсць артыкулы пра іншых асоб з прозвішчам Марухін. Юрый Аляксандравіч Марухін (13 ліпеня 1938, вёска Фёдараўка, Разанская вобласць[1] — 20 снежня 2001, Мінск) — савецкі і беларускі кінарэжысёр, сцэнарыст, аператар і кампазітар, заслужаны дзеяч мастацтваў Беларускай ССР (1974). Пісаў сцэнарыі і музыку да сваіх дакументальных фільмаў.
З 1960 года працаваў аператарам-пастаноўшчыкам кінастудыі «Беларусьфільм». У 1962 годзе скончыў аператарскі факультэт Усесаюзнага дзяржаўнага інстытута кінематаграфіі ў Маскве (майстэрня Леаніда Касматава). З 1984 года — рэжысёр мастацкага кіно. У 2000-2001 гг. — старшыня праўлення Беларускага саюза кінематаграфістаў.