Юбе́я (Jubaea) — род раслін сямейства Пальмавыя (Arecaceae). Да роду адносяць 1 рэліктавы від, пашыраны на ціхаакіянскім узбярэжжы Чылі — юбея чылійская або слановая пальма (Jubaea chilensis).
Дрэва вышынёй да 25 м і з дыяметрам ствала да 1 м. Ствол гладкі, попельна-шэры. Не верхавінцы дрэва крона з 60—100 перыстых лісцяў. Плод — касцянка даўжынёй 4—5 см з мясістым каляплоднікам.
Харчовая, тэхнічная і дэкаратыўная расліна. Насенне юбеі ўтрымлівае да 35 % алею. Лісце выкарыстоўваецца для вырабу валокнаў, у якасці дахавага матэрыялу. З салодкага соку вырабляюць патаку і віно.
На Вікісховішчы ёсць медыяфайлы па тэме Юбея
Jubaea chilensis (Chilean wine palm) Архівавана 21 красавіка 2014.(англ.)