Эцьен Безу (фр. Étienne Bézout; 31 сакавіка 1730, Немур — 27 верасня 1783, Бас-Лож каля Фантэнбло) — французскі матэматык, член Парыжскай акадэміі навук (1758).
Выкладаў матэматыку ў Вучылішчы Гардэмарынаў (1763) і Каралеўскім артылерыйскім корпусе (1768). Асноўныя яго працы адносяцца да алгебры (даследаванне сістэм алгебраічных раўнанняў вышэйшых ступеняў, выключэнне невядомых у такіх сістэмах і інш.) Аўтар шасцітомнага «Курсу матэматыкі» (1764—1769), неаднаразова перавыдаваўся.