Этылхларыд
Этылхлары́д, хлорэтан, хлорысты этыл, C2H5Cl — арганічнае злучэнне, хлорвытворнае этану.
Уласцівасці
Бясколерны гаручы газ. Малекулярная маса 64,51 а. а. м. Тэмпература плаўлення -138,7 °С, тэмпература кіпення 12,27 °С. Шчыльнасць 0,9028 г/см³ (пры тэмпературы 15 °C). З вадой утварае азеатропную сумесь. Добра раствараецца ў арганічных растваральніках.
Атрыманне
Этылхларыд атрымліваюць гідрахлараваннем этылену, узаемадзеяннем этылавага спірту з салянай кіслатой і хлараваннем этану.
Выкарыстанне
Этылхларыд выкарыстоўваецца ў вытворчасці этылцэлюлозы і крэмнійарганічных злучэнняў, у якасці растваральніка тлушчаў, масел, прыродных смол. Таксама выкарыстоўваецца ў медыцыне ў якасці сродку вонкавага наркозу пад назвай хлорэтыл.
Літаратура
- Беларуская энцыклапедыя: У 18 т. Т.18 Кн.1: Дадатак: Шчытнікі — ЯЯ / Рэдкал.: Г. П. Пашкоў і інш. — Мн.: БелЭн, 2004. — Т. 18. — С. 184. — 472 с. — 10 000 экз. — ISBN 985-11-0295-4 (Т. 18 Кн. 1).
Спасылкі
-
Артыкул на сайце ХиМиК.ру (руск.)
-
Артыкул на сайце ХиМиК.ру (руск.)
-
Этилхлорид (руск.) — артыкул з Вялікай савецкай энцыклапедыі
-
На Вікісховішчы ёсць медыяфайлы па тэме Этылхларыд
Катэгорыя·Хлорарганічныя злучэнні
Катэгорыя·Анестэзіялогія
Катэгорыя·Старонкі з нелікавымі аргументамі formatnum
Катэгорыя·Нейратропныя сродкі