wd wp Пошук: ⬜

Энгельбрэкт Энгельбрэктсан

Энгельбрэкт Энгельбрэктсан (шведск.: Engelbrekt Engelbrektsson) (? — 4 мая 1436, востраў на возеры Ельмарэн) — кіраўнік найбуйнейшага ў сярэднявечнай Швецыі народнага паўстання 1434-36, народны герой.

Дробны дваранін, бергсман (горны майстар) у Нурборгу (Даларна). Паўстанне было накіравана супраць палітыкі дацкіх каралёў у Швецыі (а фактычна на скасаванне Кальмарскай уніі). Паўстанцы вызвалілі большую частку краіны ад дацкіх гарнізонаў і дамагліся звяржэння караля Эрыка Памеранскага. Пад іх націскам у студзені 1435 у г. Арбуга было склікана пашыранае пасяджэнне дзяржаўнага савета (рыксрода), у якім прынялі ўдзел не толькі дваране і духавенства, але і прадстаўнікі гарадоў, а магчыма, і сельскіх абшчын (лічыцца ўмоўна першым шведскім рыксдагам). Энгельбрэкт Энгельбрэктсан быў абвешчаны «правадыром дзяржавы» (rikshövitsman) і ўведзены ў склад рыксрода. Арыстакратыя здолела фактычна адхіліць Энгельбрэкта Энгельбрэктсана ад кіраўніцтва рухам. Энгельбрэкт Энгельбрэктсан у 1436 годзе зноў падняў народ, але быў забіты Бенгтсанамі, паўстанне разгромлена.

Зноскі

↑ Engelbrekt Engelbrektinpoika // Kansallisbiografia / пад рэд. M. Klinge — Suomalaisen Kirjallisuuden Seura, Suomen Historiallinen Seura. — ISSN 1799-4349 Праверана 9 кастрычніка 2017.
↑ Engelbrektsson Engelbrekt // sapere.it

Спасылкі

На Вікісховішчы ёсць медыяфайлы па тэме Энгельбрэкт Энгельбрэктсан