Эміль Абдэргальдэн (9 сакавіка 1877 — 5 жніўня 1950) — нямецкі і швейцарскі біяхімік, фізіёлаг.
У 1904—1945 гг. працаваў у Берліне, Гале. З 1946 года загадчык кафедры фізіялагічнай хіміі Цюрыхскага ўніверсітэта. Аўтар шматлікіх прац, прысвечаных вывучэнню біялагічнай ролі і структуры бялкоў. У 1916 г. ажыццявіў сінтэз поліпептыда з 19 амінакіслот, усталяваўшы разам з Э. Г. Фішэрам падабенства штучных поліпептыдаў з натуральнымі пептонамі. Даследаваў ролю тлушчаў, вітамінаў, гармонаў у харчаванні; адкрыў т. зв. ахоўныя ферменты, якія ўтвараюцца ў арганізме пры цяжарнасці, пухлінах і інш. Аўтар «Падручніка фізіялагічнай хіміі».