У Вікіпедыі ёсць артыкулы пра іншых асоб з прозвішчам Вецер. Элеанора Іванаўна Вецер (22 мая 1932, Любанскі раён — 18 лістапада 2011[1]) — беларускі мастацтвазнавец і грамадскі дзеяч.
Скончыла гістарычны факультэт БДУ. Працавала ў беларускім аддзеле Мастацкага музея. У 1973 годзе сярод іншых звольнена з АН БССР «за нацыяналізм». Пазней пачала працаваць у спецыялізаваных навукова-рэстаўрацыйных майстэрнях Міністэрства культуры БССР. Была адным з аўтараў навуковай запіскі да ЦК КПБ супраць знішчэння гістарычнага цэнтра Мінска.[1]
Пахавана на Паўночных могілках у Мінску.[1]
У канцы 1960-х разам з аднадумцамі на ўласныя сродкі арганізоўвала экспедыцыі па Беларусі для збірання помнікаў нацыянальнай культуры. Потым далучылася да экспедыцыйнай дзейнасці Інстытута мастацтвазнаўства, этнаграфіі і фальклору. Такім чынам пачалося стварэнне збору Музея старажытнабеларускай культуры. Дамаглася ўнясення соцень помнікаў культуры да Спісу спадчыны. Выступала з публічнымі лекцыямі пра беларускую культуру для розных аўдыторый.[1]
Аўтар соцень артыкулаў пра помнікі нацыянальнага мастацтва.[1]