Дэклан Патрык Мак-Манус (англ.: Declan Patrick MacManus; нар. 25 жніўня 1954, Лондан), больш вядомы як Элвіс Кастэла (англ.: Elvis Costello) — брытанскі спявак і кампазітар, які аказаў вялікі ўплыў на развіццё сучаснай поп-музыкі. Спачатку быў удзельнікам паб-рок-сцэны, да канца 1970-х гадоў ён стаў адным з самых папулярных выканаўцаў новай хвалі, а пасля атрымаў рэпутацыю, магчыма, самага аўтарытэтнага аўтара-выканаўцы пасля Боба Дылана. Сем альбомаў Элвіса Кастэла ўваходзілі ў UK Top 20, а Brutal Youth (1994) падняўся да № 2. Самымі паспяховымі сінгламі гэтага выканаўцы былі «I Can not Stand Up For Falling Down» (№ 4, 1980) і «A Good Year for the Roses» (№ 6, 1981). У 2004 годзе імя музыканта было ўнесена ў спіс 50 найвялікшых выканаўцаў усіх часоў па версіі часопіса Rolling Stone.