У Вікіпедыі ёсць артыкулы пра іншых асоб з прозвішчам Грэй.
Э́йса Грэй (таксама Аса, або Эйза; англ.: Asa Gray; 1810—1888) — адзін з найбольш вядомых амерыканскіх батанікаў XIX стагоддзя, фларыст. З 1862 года — замежны член-карэспандэнт Пецярбургскай Акадэміі навук.
У 1831 годзе атрымаў навуковае званне доктара медыцыны.
Вучыўся батаніцы ў Джона Торы, з якім потам цесна супрацоўнічаў.
З 1842 года — прафесар прыродазнаўчай гісторыі Гарвардскага ўніверсітэта ў Кембрыджы, штат Масачусетс, ЗША (аж да 1873 года); робячы шчодрыя падарункі ўніверсітэту ў відзе кніг, колькасцб некалькі тысяч, і батанічных калекцый, стварыў аддзяленне батанікі ў сваім універсітэце.
У 1838—1839 і 1850—1851 гадах падарожнічаў па Еўропе.
«Дом Грэя», які быў жыллём Грэя ў Кембрыджы, пабудаваны ў 1810 годзе па праекце архітэктара Айтыела Таўна для першага кіраўніка Гарвардскага батанічнага саду, мае статус Нацыянальнай гістарычнай славутасці.
Распрацоўваў статыстычныя метады параўнання флор. Выказаў здагадку аб магчымасці агульнага паходжання розных відаў раслін у высокіх паўночных шыротах і наступнага іх рассялення па асобных частках паўночнай умеранай зоны.