У Вікіпедыі ёсць артыкулы пра іншых асоб з прозвішчам Кендал.
Эдвард Калвін Кендал (англ.: Edward Calvin Kendall, 8 сакавіка 1886, Саўт-Норуалк, штат Канектыкут, ЗША — 4 мая, 1972) — амерыканскі біяхімік, лаўрэат Нобелеўскай прэміі па фізіялогіі і медыцыне (1950) (сумесна з Тадэвушам Рэйхштэйнам і Філіпам Хенчам) «за адкрыцці, якія тычацца гармонаў кары наднырачнікаў, іх структуры і біялагічных эфектаў». Адкрыў картызон незалежна ад Тадэвуша Рэйхштэйна. Скончыў Калумбійскі ўніверсітэт. З 1952 г. працаваў у Прынстанскім універсітэце.