Эглон Хендрык ван дэр Нер (нідэрл.: Eglon Hendrick van der Neer; 1635, Амстэрдам — 3 мая 1703, Дзюсельдорф) — нідэрландскі жывапісец-пейзажыст перыяду залатога веку Галандыі; сын Арта ван дэр Нера.
Вучань Якаба ван Ло ў Амстэрдаме. З 1654 года тры гады працаваў у французскім Аранжы ў Фрыдрыха фон Дона, губернатара Аранскага княства. Затым вярнуўся ў Амстэрдам, дзе ў лютым 1658 года ажаніўся з дачкой багатага натарыуса з Ротэрдама Марыяй Вагенсвельт. У 1663 годзе пасяліўся ў Ротэрдаме, дзе сярод яго вучняў быў Адрыян ван дэр Верф. Пасля смерці жонкі ў 1677 годзе жыў у Гаазе і Бруселі. Ажаніўся з мастачкай мініяцюр Марыяй дзю Шатэль, дачкой мастака Франсуа дзю Шатэль. У іх нарадзіліся дзевяць дзяцей. У Бруселі быў прызначаны жывапісцам пры двары караля Карла II.