Шыпо́ўка — ручай у Дрыбінскім раёне Магілёўскай вобласці Беларусі, правы прыток ракі Проня (басейн Сажа).
Даўжыня ракі 18 км[1]. Плошча вадазбору 55[2] км². Сярэдні нахіл воднай паверхні 1,9 м/км. Пачынаецца за 1,2 км на ўсход ад вёскі Юраўка, вусце за 1,5 км на поўдзень ад вёскі Галавічы. Рэчышча на працягу 4,5 км ад вытоку каналізаванае. Каля аграгарадка Трылесіна на рацэ створана сажалка (плошча 0,18 км²). Асноўны прыток — ручай Прадзерка (справа).