wd wp Пошук: ⬜

Швянцяжарыс

XIX стагоддзе: 1827 год — 271 чал.<a href="/%D0%A8%D0%B2%D1%8F%D0%BD%D1%86%D1%8F%D0%B6%D0%B0%D1%80%D1%8B%D1%81#cite_note-2">[2]
XXI стагоддзе: 2011 год — 295 чал.

У гэтага паняцця ёсць і іншыя значэнні, гл. Святое возера (значэнні). Швя́нцяжарыс[1] (літ.: Šventežeris, традыцыйная беларуская назва — Святое Возера) — мястэчка ў Лаздзіяйскім раёне Алітускага павета Літвы. Цэнтр Швянцяжарыскай сянюніі. Размешчана на беразе Швянцяжарыскага возера (Святога возера)[lt], за 8 км на ўсход ад Лаздзіяя. Насельніцтва на 2011 год — 295 чалавек.

Гісторыя

Упершыню Святое Возера ўпамінаецца ў XVI ст. У гэты час яно ўваходзіла ў склад Троцкага павета Троцкага ваяводства.

У 1598 годзе ў Святым Возеры збудавалі евангелісцка-рэфарматарскі збор (з 1663 года — касцёл).

На 1827 год у Святым Возеры было 37 будынкаў.

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Святое Возера апынулася ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.