Шаўляйскі ўніверсітэт (літ.: Šiaulių universitetas) — літоўская дзяржаўная вышэйшая навучальная ўстанова са статусам універсітэта, якая знаходзіцца ў Шаўляі.
У 1939 годзе Інстытут гандлю, які пераехаў з Клайпеды, стаў Шаўляйскім гандлёвым інстытутам, які заклаў асновы для развіцця акадэмічнай адукацыі ў рэгіёне. У 1948 годзе ў Шаўляі быў створаны двухгадовы настаўніцкі інстытут, з 1959 года — педагагічны інстытут. У 1990 годзе ў горадзе быў створаны філіял Каўнаскага політэхнічнага інстытута. У 1997 годзе пасля рэарганізацыі Шаўляйскага педагагічнага інстытута і Шаўляйскага політэхнічнага факультэта Каўнаскага тэхналагічнага ўніверсітэта быў створаны Шаўляйскі ўніверсітэт.
Шаўляйскі ўніверсітэт — буйнейшая вышэйшая навучальная ўстанова ў Паўночнай Літве. Універсітэт мае 3 факультэты і 2 інстытуты, якія прапануюць выбар праграм навучання на дзённай або завочнай форме з 6 сфер навучання. Універсітэт мае навуковыя інстытуты, які праводзіць даследаванні ў галіне гуманітарных навук, фізікі, біямедыцыны, тэхналогій і сацыяльных навук; інстытут бесперапынных студый, Цэнтр электронных студый, гімназію, батанічны сад, мастацкую галерэю, акадэмічную бібліятэку, фітнес-цэнтр і інш.
Выпускнікі ўніверсітэта, якіх з моманту стварэння вышэйшай школы налічваецца больш за 65 тысяч і сярод якіх нямала вядомых людзей, паспяхова працуюць у літоўскіх і замежных кампаніях, ствараючы ўласны бізнес.