Чэ́ртка — рака ў Беларусі, у Пастаўскім раёне Віцебскай вобласці, правы прыток ракі Галбіца (басейн Заходняй Дзвіны).
Даўжыня ракі 14 км. Плошча вадазбору 51 км². Сярэдні нахіл воднай паверхні 1,6 м/км. Выцякае з возера Рудзіца ў яго паўночнай частцы, прыкладна за 0,5 км у напрамку на паўднёвы захад ад вёскі Ляхаўшчына. Упадае ў Галбіцу на паўночны ўсход ад вёскі Галбея. Прымае сцёк з ручаёў і меліярацыйных каналаў.
Каля ракі населеныя пункты Анкуды, Лапачонкі, Казароўшчына.