Чэмпіянат свету па хакеі з шайбай 2022 — 85-ы чэмпіянат свету па хакеі праходзіў 13—29 мая 2022 года ў фінскіх Хельсінкі і Тамперэ.
Фінляндыя была прызначаная арганізатарам чэмпіянату 19 мая 2017 года на кангрэсе ІІХФ у Кёльне.[1] Спаборніцтвы адбываліся ў час уварвання Расіі ва Украіну, ад удзелу ў іх былі адхілены зборныя Расіі і Беларусі.
Трэці раз запар у фінал Чэмпіянату свету выйшлі зборныя Фінляндыі і Канады. Перамогу з лікам 4:3 (у овертайме) атрымала каманда гаспадароў турніру.