Зборная Канады па хакеі з шайбай — прадстаўляе Канаду на міжнародных турнірах па хакеі з шайбай. Канада — член ІІХФ з 1920 года. У сусветным рэйтынгу ІІХФ за 2013 год знаходзіцца на пятым месцы. У апошнія гады камплектуецца амаль цалкам з гульцоў НХЛ. Зборная Канады як каманда-«родапачынальніца» хакея лічыцца адной з наймацнейшых каманд на міжнароднай арэне, яна выйграла суперсерыю СССР — Канада 1972 года, 4 з 5 кубкаў Канады, Алімпіяду 2002, 2010 і Кубак свету 2004.