wd wp Пошук:
    ⬜

    Чарцёж места Віцебска 1664 года

    Чарцёж горада Віцебcка, 1664

    Чарцёж места Віцебcка 1664 года — дакумент па гісторыі сярэдневяковага Віцебска, захоўваецца ў фондах Расійскага дзяржаўнага архіва старажытных актаў. Выяўлены даследчыкам гісторыі Віцебшчыны А. П. Сапуновым сярод фондаў былога Маскоўскага архіва Міністэрства замежных спраў.

    Апісанне

    «Чарцёж» выкананы пяром на некалькіх склееных і месцамі падклееных лістах шэра-жоўтай паперы; рэкі Дзвіна і Віцьба размаляваны сіняватай фарбай, а ўзгоркі і яры жоўта-зялёнай. Надпісы зроблены кінаварам. Даўжыня «Чарцяжу» складае 108 см, шырыня — 79 см. На дакуменце знаходзіцца надпіс: «РОГ (г.зн. 173 г. ці 1664 г.) ноября 15, таков чертёж к великому государю к Москве в розряд прислал из Витебска воевода князь Яков Волконского с витебским розсыкальщиком с Ларкою Быковым»[1].

    Зноскі

    1. ↑ Абрамова, И. Чертеж Витебска. 17 век / И. Абрамава // Витебский курьер. - 1998. - 17 апр. - С. 3.
    Тэмы гэтай старонкі (3):
    Катэгорыя·Гісторыя Віцебска
    Катэгорыя·Карты паводле алфавіта
    Катэгорыя·Творы 1664 года