Чарну́йка, Чарну́шка[1] — рака ў Гарадоцкім раёне Віцебскай вобласці Беларусі, левы прыток ракі Обаль (басейн Заходняй Дзвіны).
Даўжыня Чарнуйкі 23 км. Плошча вадазбору 97 км². Пачынаецца за 0,5 км ад вёскі Першамайка, працякае ў межах Гарадоцкага ўзвышша. Працякае праз возера Чарноўка і ўпадае ў Обаль за 1 км на захад ад вёскі Воўкава. Асноўны прыток — рака Сіманіха (справа). У басейне ракі азёры Астравіта, Доўгае, Давыдзенскае і Масліцкае.