У Вікіпедыі ёсць артыкулы пра іншых асоб з прозвішчам Вулі.
Чарлз Леанард Вулі (англ.: Charles Leonard Woolley; 17 красавіка 1880, Лондан — 20 лютага 1960, Лондан) — англійскі археолаг.
У 1907—1912 гг. удзельнічаў у раскопках у Нубіі, у 1912—1914 гг. і ў 1919 годзе — у раскопках Кархеміша на Еўфраце. У 1921—1922 гг. кіраваў раскопкамі ў Тэль-эль-Амарне (Эль-Амарна). У 1922—1934 гг. кіраваў працамі англа-амерыканскай археалагічнай экспедыцыі ва Уры, дзе былі адкрыты архіў храмавай гаспадаркі (28 ст. да н.э.), Царскія грабніцы I дынастыі Ура, шэраг храмаў, архіў царскай гаспадаркі III дынастыі Ура і шматлікія надпісы. Раскопкі ў Уры дазволілі аднавіць агульныя рысы гісторыі гэтага горада-дзяржавы. У 1936—1939 і 1946—1949 гг. Вулі вёў раскопкі Алалаха ў Турцыі.