wd wp Пошук: ⬜

Цібо II Шампанскі

У Вікіпедыі ёсць артыкулы пра іншых людзей з імем Цібо II. У Вікіпедыі ёсць артыкулы пра іншых людзей з імем Цібо дэ Блуа.

Цібо IV Вялікі дэ Блуа (фр.: Thibaut IV le Grand), таксама вядомы як Цібо II Шампанскі (фр.: Thibaut II de Champagne, 1093—1152) — граф Блуа (Цібо IV, з 1102), граф Шартра (з 1102), граф Мо, Шатадзёна і Сансера, граф Шампані і Труа (Цібо II, з 1125). Сын Эцьена II, графа Блуа і Адэль Нармандскай, дачкі Вільгельма Заваёўніка.

Біяграфія

Нарадзіўся ў 1093 [4] годзе ў Блуа. Стаў спадчыннікам свайго бацькі ў 1102 годзе. У 1125 годзе яго дзядзька Гуга I Шампанскі ўступае ў рыцарскі ордэн Тампліераў і адмаўляецца ад графства Труа і тытула графа Шампані[5] на карысць Цібо IV.

У 1135 годзе яго брат Эцьен дэ Блуа становіцца каралём Англіі. Дзякуючы ўзросшаму ўплыву і свайму спрыту, Цібо ўдаецца распаўсюдзіць маленькае графства Труа на ўсю Шампань. Ён становіцца сюзерэнам 5 васалаў архібіскупа Рэймскага, 5 васалаў біскупа Лангрскага і некалькіх — герцага Бургундыі (у прыватнасці, графа Жуаньі). Такім чынам, Цібо становіцца кіраўніком буйной феадальнай дзяржавы, сталіцай якой ён робіць Труа. З гэтага моманту Цібо — адзін з галоўных васалаў кароны, пфальцграф і пэр Францыі.

Памёр 8 кастрычніка 1152 [6] у Ліньі.

Сям’я і дзеці

Жонка: (з 1123) Мацільда Карынтыйская (1108—1160), дачка Энгельберта II фон Спонхейм, герцага Карынтыі і Юты фон Пасау. Мелі 11 дзяцей, у тым ліку:

Генрых I Шчодры (1127—1181), граф Шампані і Бры;
Марыя, м- Эд II, герцаг Бургундыі;
Цібо V Добры (1130—1191), граф Блуа і Шартра, сенешаль Францыі;
Ізабела (1130-?), м1 — Ражэр III, герцаг Апуліі, м2 — Гильеом дэ Монмирай
Стэфан I (Эцьен, фр.), граф дэ Сансер;
Гільём Белыя Рукі, архібіскуп Рэймскі, кардынал і папскі легат;
Х’юга дэ Блуа, абат
Мацільда (пам. 1184), м- Ратру IV (пам. 1191), граф дзю Перш
Агнэс, м- Рэно II, граф дэ Бар;
Адэль (1140—1206), м- Людовік VII, кароль Францыі;
Маргарыта, манашка ў Фантэўро.

Зноскі

↑ https://www.britannica.com/biography/Theobald-IV
↑ (unspecified title) Праверана 7 жніўня 2020.
1 2 3 4 Lundy D. R. The Peerage
↑ па іншых даных у 1090 г.
↑ у сутнасці гэта быў толькі тытул, за якім не стаялі ўладанні
↑ па іншых даных 9 студзеня ці 10 красавіка 1152 года

Папярэднік: Гуга I Шампанскі	Граф Шампанскі 1125 — 1152	Пераемнік: Генрых I Шампанскі
Папярэднік: Эцьен II дэ Блуа	Граф Блуа 1102 — 1152	Пераемнік: Цібо V Добры