Цясто́ўскі сельсавет — былая адміністрацыйна-тэрытарыяльная адзінка ў складзе Дрысенскага раёна Віцебскай вобласці. Цэнтр — вёска Цясты.
Утвораны 20 жніўня 1924 года як Дрысенскі сельсавет у складзе Дрысенскага раёна Полацкай акругі БССР. Цэнтр — мястэчка Дрыса. 21 жніўня 1925 года перайменаваны ў Цястоўскі сельсавет, цэнтр перанесены ў вёску Цясты. Пасля скасавання акруговай сістэмы з 26 ліпеня 1930 года ў Дрысенскім раёне БССР, з 21 чэрвеня 1935 года — Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. 20 мая 1960 года скасаваны, тэрыторыя далучана да Прудзінкаўскага сельсавета[1].