Цяля́каўскі сельсавет — былая адміністрацыйна-тэрытарыяльная адзінка ў складзе Уздзенскага раёна Мінскай вобласці Беларусі. Цэнтр — вёска Цялякава.
Утвораны 20 жніўня 1924 года ў складзе Уздзенскага раёна Мінскай акругі БССР. Пасля скасавання акруговай сістэмы 26 ліпеня 1930 года ва Уздзенскім раёне БССР. Пасля ўвядзення абласнога падзелу 20 лютага 1938 года ва Уздзенскім раёне Мінскай вобласці. З 25 снежня 1962 года па 30 ліпеня 1966 года ў складзе Дзяржынскага раёна. У 1974 годзе скасаваны пасёлак Рабінаўка[1]. 30 кастрычніка 2009 года скасаваны, тэрыторыя далучана да Дзешчанскага (Гарбаты, Канстанцінава, Карпілаўка, Міколка і Ялоўка) і Уздзенскага (Алёхаўка, Пятроўск, Слабодка і Цялякава) сельсаветаў[2].
Насельніцтва сельсавета паводле перапісу 2009 года складала 366 чалавек[3], з іх 92,3 % — беларусы, 6,0 % — рускія, 0,8 % — малдаване[4].
На момант скасавання ў склад сельсавета ўваходзілі 9 населеных пунктаў.