У паняцця ёсць і іншыя значэнні, гл. Церуха (значэнні). Церуха́[1] (трансліт.: Cierucha, руск.: Терюха) — вёска ў прыгараднай зоне, на рацэ Церуха́[2], за 21 км на поўдзень ад Гомеля, 3 км ад чыгуначнай станцыі Цяруха, на аўтадарозе Гомель — Чарнігаў. Цэнтр Цярухскага сельсавета.
Сярэдняя школа, Дом культуры, бібліятэка, медыцынская амбулаторыя, аддзяленне сувязі, кафэ, крама, комплексны прыёмны пункт. Каля вёскі кемпінг для аўтатурыстаў (зачынены), мужчынскі манастыр і дом для састарэлых.