Хрышчэнне Ісуса
| Жыццё Ісуса Хрыста згодна Евангелляў |
|---|
 |
Іншыя падзеі НЗ
|
Хрышчэнне Ісуса — падзея ў жыцці і дзейнасці Ісуса Хрыста, якая азначае пачатак Яго грамадскага служэння. Гэта падзея запісана ў сінаптычных Евангеллях, у Евангеллі паводле Яна прама не апісваецца хрышчэнне Ісуса.
Хрышчэнне з’яўляецца адным з пяці асноўных вех у евангельскім апавяданні пра жыццё Ісуса, разам з Праабражэннем, распяццем, уваскрэсеннем і Узнясеннем. Большасць хрысціянскіх канфесій разглядаюць хрышчэнне Ісуса як важную падзею, якая з’яўляецца падставай для хрысціянскай абраду хрышчэння (гл. таксама Дзеянні 19:1-7). Ва ўсходнім хрысціянстве, хрышчэнне Ісуса адзначаецца 19 студзеня, у свята Богаяўлення. У Рымска-каталіцкай царкве, Англіканскай царкве, лютэранскай цэркве і некаторых іншых заходніх канфесій, святкуецца ў свята Хрышчэння Гасподняга.
Біблейскае апавяданне
У Евангеллях паводле Марка, Мацвея і Лукі ў цэлым апісана поўная выява хрышчэння.
У Евангеллі паводле Мацвея 3:14, сустрэўшы Ісуса, Ян сказаў: «мне трэба ў Цябе хрысціцца, а Ты прыходзіш да мяне?» Тым не менш, Ісус пераконвае Яна хрысціць Яго. У Евангеллі паводле Лукі апісваецца, што калі Ісус маліўся, Нябёсы адкрыліся і Дух Святы сышоў на Яго. Лука ўдакладняе, што дух спусціўся ў «цялесным выглядзе» голуба, а не проста схадзіў, як голуб.
У Евангеллях паводле Лукі і Марка запісана пра голас, які звяртаецца да Ісуса, кажучы: «Ты Сын Мой Любасны, Якога Я ўпадабаў», у той час як у Евангеллі паводле Мацвея голас звяртаецца да натоўпу: «Гэты ёсць Сын Мой Любасны, Якога Я ўпадабаў». (Мацвея 3:13-17; Марка 1:9-11; Лукі 3:21-23)
У Евангеллі паводле Яна 1:29-33 няма прамога апавядання пра хрышчэнне, але Ян Хрысціцель сведчыць, што ён бачыў Дух, які сыходзіў, як голуб. Далей расказваецца пра сустрэчу, паміж Ісусам і дзвумя Яго будучымі вучнямі, якія на той час былі вучнямі Яна Хрысціцеля, адзін з іх названы Андрэй.
Пасля хрышчэння ў Сінаптычных Евангеллях апавядаюць пра спакусу Ісуса, калі Ён адышоў у Іўдзейскую пустыню пасціцца на працягу сарака дзён і начэй.
Месцазнаходжанне
У Ян. 3:23 запісана, што Ян хрысціў у Яноне паблізу Саліма, «таму што там было шмат вады;».Таксама ў Ян. 1:28 гаворыцца, што Ян Хрысціцель хрысціў у «Віфаніі за Іарданам». Але гэта месца не ёсць вёска Віфанія на ўсход ад Іерусаліма, але, як правіла, лічыцца горад Віфавара ў Пярэі.
.JPG)
У 3-м стагоддзі Арыген, які пераехаў у раён з Александрыі, прапанаваў Віфавару ў якасці месца хрышчэння. У 4 стагоддзі Еўсевій Кесарыйскі заявіў, што месца хрышчэння было на заходнім беразе ракі Іардан, што і было адлюстравана на візантыйскай карце Мадаба.
Любімае месца для хрысціянскіх паломнікаў да месца хрышчэння Ісуса знаходзіцца на рацэ Іардан каля Іерыхона. Гэтае месца размешчана на беразе Іардана ў Аль-Махтас (што перакладаецца з арабскай мовы як хрышчэнне або апускання), гэта месца было падтрымана ЮНЕСКА для раскопак.
Месца наведаў Папа Рымскі Ян Павел II у сакавіку 2000 года, і ён сказаў: «Мне здаецца, я бачу Ісуса, Які прыходзіць да водаў ракі Іардан недалёка ад сюды, каб прыняць хрышчэнне ад Яна Хрысціцеля».
Адлюстраванне ў мастацтве
У той час як у Евангеллі паводле Лукі відавочна апісваецца пра Дух Божы, Які сыходзіць у выглядзе голуба; у Евангеллі паводле Мацвея апісанне досыць расплывістае, што гэта можа быць вытлумачана толькі пра здагадку, што Дух спускаўся ў выглядзе голуба. Негледзячы на тое, што ў час напісання Евангелляў вялікая колькасць сімволаў была прысвечана да галубоў, вобраз голуба стаў добра вядомым сімвалам Святога Духа ў хрысціянскім мастацтве. Выявы хрышчэння звычайна падаюць адчыненае неба і Духа Святога, зыходзячага ў выглядзе голуба да Ісуса.
Жуан Наварэта, 1567г.
Гвіда Рэні, 1623г.
Кітайскі фарфор, Дынастыя Цын, пачатак 18 ст.
Праваслаўная ікона
Спасылкі
На Вікісховішчы ёсць медыяфайлы па тэме Хрышчэнне Ісуса
Катэгорыя·Святы 19 студзеня
Катэгорыя·Іаан Хрысціцель
Катэгорыя·Хрышчэнне
Катэгорыя·Хрысціянскія святы
Катэгорыя·Непераходныя святы
Катэгорыя·Дванадзесятыя святы
Катэгорыя·Жыццё Ісуса Хрыста
Катэгорыя·Святы 6 студзеня