Храпаўля́нка — рака ў Беларусі, у Віцебскім раёне Віцебскай вобласці, правы прыток ракі Лужаснянка (басейн Заходняй Дзвіны).
Даўжыня ракі складае 12 км. Плошча вадазбору 224 км². Бярэ пачатак у возеры Бутыкі (Бутыко[1], Бу́тыка[2]) каля вёскі Канавалава і ўпадае ў Лужаснянку ў 2 км на паўночны ўсход ад вёскі Храпавічы. Вадазбор у межах Гарадоцкага ўзвышша. Рэчышча звілістае. У басейне ракі азёры Амшэна, Бараўско́е і Глісна[3].
Асноўны прыток — рака Шасцёнка (Шэ́сценка[4]).