Храм Цэзара (лац.: aedes Divi Iuli — храм абагаяўлёнага Юлія) — храм у гонар Гая Юлія Цэзара на рымскім форуме.
Храм размяшчаўся ў паўднёва-ўсходняй частцы форуму, на месцы, дзе было спалена цела забітага Цэзара[2]. Цэзар стаў другім, пасля Ромула, абагаяўлёным рымлянінам. Будаўніцтва пачалося праз два гады пасля забойства Цэзара ў 42 годзе да н. э., асвячоны толькі ў 29 годзе да н. э.[3] Па малюнках на манетах стала магчымым аднавіць аблічча храма. На подыуме размяшчаўся круглы алтар.
Ад храма захавалася да нашых дзён толькі частка подыўма.