Гэты артыкул — пра браму, што вядзе ў Цытадэль. Пра браму, што вяла на Валынскае ўмацаванне і мела тую ж назву ў перыяд міжваеннай Польшчы гл. Паўднёвая брама. Холмская брама — адна з чатырох брам, якія вялі ў цытадэль Брэсцкай крэпасці.
Яна была створана ў класічным стылі ў пачатку XIX стагоддзя. Звернута на паўднёвы прыток ракі Мухавец.
У 1921—1939 гадах, калі крэпасць знаходзілася ў складзе Польскай Рэспублікі, брама называлася Шпітальнай.
Брама была ўпрыгожана вежкамі і варотамі, якія захаваліся да нашых дзён, але былі моцна пашкоджаны пры абароне Брэсцкай крэпасці ў пачатку Вялікай Айчыннай вайны (чэрвень 1941 года). Уся чырвоная цэгла Холмскай брамы спярэшчаная кулямі і снарадамі і пакрытая гарам.
Сёння гэтыя вароты — сімвал Брэсцкай крэпасці.