Хвастаколавыя, скаты-хвастаколы (Dasyatidae) — сямейства скатаў.
Шырокая частка цела, т.зв. дыск, ад 60 см да 2,5 м і больш. Хваставая частка адасобленая, хвост тонкі, востраканцовы, даўжэйшы за цела; на ім адзін або некалькі шыпоў, дзе ёсць клеткі з ядавітым сакрэтам (уколы хвастаколавых небяспечныя і для чалавека). Скура гладкая або ўкрытая нешматлікімі шыпікамі.
Вядома да 100 відаў[1]:. Пашыраны ў трапічных і субтрапічных морах, жывуць і ва ўмерана цёплых водах, прэсных вадаёмах.
Кормяцца рыбай і прыдоннымі беспазваночнымі.
Некаторыя хвастаколавыя аб’екты промыслу.