wd wp Пошук:
    ⬜

    Хаім Сегал

    Хаім Сегал (Хаім бен іцхак Айзік Сегель) — беларускі мастак 2-й паловы XVIII стагоддзя[1][2].

    Біяграфія

    Нарадзіўся ў Слуцку. Сегал — прадзед вядомага мастака XX стагоддзя Марка Шагала[2].

    Творчасць

    Роспіс Магілёўскай халоднай сінагогі. Тэма роспісу — цмок, які тэрарызаваў жыхароў нямецкага горада Вормс
    Адзін з фрагментаў роспісу магілёўскай сінагогі. Дрэва Пазнання з гняздом, да якога ляціць бусел, які нясе змяю. Каля Дрэва — архітэктурная канструкцыя ў выглядзе вежы на колах: малюнак біблейскага каўчэга Запавету на шляху ў Іерусалім.

    Аўтар манументальных роспісаў сінагог, у тым ліку ў Капусцянах (Копысі), Даўгінаве[1].

    Найбольш вядомы роспіс драўлянай халоднай сінагогі ў Магілёве (1760[2], паводле іншых звестак, у 1744[3]), у якім, сярод іншага, у выяўленчых вобразах была адлюстравана гісторыя яўрэйскага народа ад старых часоў да прыходу на Беларусь. Цікавасць у даследчыкаў выклікалі выявы беларускіх краявідаў.

    Аб прыгажосці і ўнікальнасці роспісаў можна меркаваць па малюнках Ісахара Рыбака(руск.) бел. і Эля Лісіцкага і фатаграфіях Саламона Юдовіна, удзельніка этнаграфічнай экспедыцыі Ан-скага(руск.) бел. 1913 года. У 1938 сінагога была зачынена для маленняў і разабрана па бервяну[3].

    Эль Лісіцкі так апісваў свае ўражанні ад наведвання Магілёўскай сінагогі[4][5]:

    Гэта было сапраўды нешта асаблівае, падобна таму здзіўленню (з тых, што я адчуваў), што ахапіла мяне, калі я ўпершыню наведваў рымскую базіліку, гатычную капліцу, барочную царкву ў Германіі, Францыі і Італіі. Гэта як ты дзіцячы ложачак з вытанчана вышытым покрывам, матылямі і птушкамі, у якім раптам прачынаецца прынц, - у асяроддзі пырскаў сонца. Так адчулі мы сябе ўнутры сінагогі
    Эль Лісіцкі

    Гісторыя вывучэння

    Адной з першых даследчыц, што зацікавіліся Магілёўскай халоднай сінагогай, была ў той час яшчэ зусім маладая гісторык мастацтва, матрыярх вывучэння гісторыі яўрэйскага мастацтва Рахель Вішніцэр-Бернштэйн. Верагодна, іменна ў яе працы 1914 года і было ўпершыню згадана імя Хаіма Сегала, а сама публікацыя паўплывала на выбар мэты для экспедыцыі Яўрэйскага гісторыка-этнаграфічнага таварыства ў 1915—1916 гадах[6].

    Зноскі

    1. 1 2 Слуцкая палитра: Из фондов Слуцкого краеведческого музея: фотоальбом / сост., авт. текста Н. Г. Серик; фото В. А. Сибрикова. — Минск: Літаратура і Мастацтва, 2010. — С. 5. — 64 с.
    2. 1 2 3 Сегал Хаім (Сегель Хаім бен іцхак Айзік)
    3. 1 2 В Могилеве представят росписи синагоги прапрадеда Шагала (руск.)
    4. ↑ El L. [Eliezer Lissizky] «Vegn der molever shul. Zikhroynes». — Milgroim (Berlin), N 3, 1923. — Z. 9
    5. ↑ Моника Бохм-Дучен. Шагал и вопрос о еврейском искусстве в революционной России (руск.)
    6. ↑ АЛЕКСАНДР ЛИТИН. СИНАГОГА НА ШКОЛИЩЕ. ШАГАЛОВСКИЕ ПАРАЛЛЕЛИ (руск.)
    Тэмы гэтай старонкі (10):
    Вікіпедыя:Запыты на пераклад з рускай
    Мастакі Беларусі
    Вікіпедыя:Шаблон «Вонкавыя спасылкі» пусты
    Артыкулы пра мастакоў без партрэтаў
    Нарадзіліся ў XVIII стагоддзі
    Вікіпедыя:Артыкулы з пераазначэннем значэння з Вікідадзеных
    Асобы
    Мастакі паводле алфавіта
    Яўрэйскія мастакі
    Нарадзіліся ў Слуцку