Харэр (амх.: ሐረር) — горад на ўсходзе Эфіопіі. Адміністрацыйны цэнтр рэгіёна Харары. Важны камерцыйны цэнтр Эфіопіі, галоўны ісламскі горад краіны.
Знаходзіцца на вяршыні пагорка, на ўсходняй ускраіне Эфіопскага нагор’я, прыкладна за 500 км на ўсход ад Адыс-Абебы. Вышыня горада над узроўнем мора — 1847 м.
Па дадзеных Цэнтральнага статыстычнага агенцтва, на 2005 год насельніцтва Харэра складае 122 000 чалавек, з іх 60 000 чалавек — мужчыны і 62 000 чалавек — жанчыны. Па дадзеных перапісу 1994 насельніцтва горада налічвала 76378 чалавек. Нацыянальны склад: арома, амхара, самалійцы, гурагэ і тыгрэ.