У Вікіпедыі ёсць артыкулы пра іншых асоб з прозвішчам Фішэр.
Хайнц Фі́шэр (ням.: Heinz Fischer; нар. 9 кастрычніка 1938, Грац) — аўстрыйскі палітык, Прэзідэнт Аўстрыі (2004—2016).
Атрымаў юрыдычную адукацыю ў Венскім універсітэце, з 1993 года прафесар палітычных навук Інсбрукскага ўніверсітэта.
Актывіст аўстрыйскай Сацыял-дэмакратычнай партыі. У 1971 годзе стаў дэпутатам аўстрыйскага парламента (Nationalrat), з 1990 да 2002 года быў спікерам (потым зноў быў абраны на спікера з 2002 да 2004 г.г.). З 1983 да 1987 года быў аўстрыйскім міністрам навукі.
25 красавіка 2004 года быў абраны прэзідэнтам Аўстрыі (атрымаў 52,41 % галасоў выбаршчыкаў). Афіцыйна ўтрымаў пасаду прэзідэнта 8 ліпеня 2004 года.
Жанаты з 1968 года, мае двух дзяцей. Захапляецца альпінізмам.